Trajneri spanjoll i Besës në hendboll, Havier Cabanas, ka komentuar shortin e Kupës Evropiane të hedhur dje, e ku skuadra e tij do të përballet ndaj skuadrës Bosna Visoko që vjen nga Bosnja dhe Hercegovica.
“Nuk di shumë gjëra për Bosna Visokon në këtë moment. Është ekipi i tretë në Bosnjë dhe mendoj se kemi shanse të fitojmë këto ndeshje eliminatore. Mendoj po ashtu se ka pasur ekipe më të vështira të mundshme në short. Ndeshjen e dytë do ta luajmë në shtëpi dhe kjo është mirë për ne. Objektivi ynë kryesor është të fitojmë eliminatoret dhe të luajmë në raundin e tretë. Në ditët e ardhshme do të kemi më shumë informata për kundërshtarin”, ka thënë Cabanas për faqen zyrtare të Federatës së Hendbollit të Kosovës.
Ndeshja e parë mes dy skuadrave pritët të zhvillohet në Bosnjë, ndërsa ajo e kthimit në Pejë, gjatë muajit nëntor.
Kujtojmë se Besa këtë edicion është përforcuar me disa hendbollistë mjaft cilësor, dhe synon të shkojë sa më lartë në këtë garë.
