Nga dita e martë (1 dhjetor 2020) qarkullimi me autobusët e Trafikut Urban do të jetë falas për të gjithë qytetarët për një muaj rresht.
Lajmin e ka bërë të ditur kryetari i Komunës së Prishtinës, Shpend Ahmeti, përmes një njoftimi në rrjetin social Facebook, shkruan Reporteri.net.
Në njoftim bëhet e ditur se zbatimi i rregullave dhe masave anti-COVID mbetet i njëjtë.
Ky është njoftimi i plotë:
Qarkullimi me autobusët e Trafikut Urban do të jetë falas për të gjithë qytetarët për një muaj rresht, duke filluar nga nesër 1 dhjetor. Zbatimi i të gjitha rregullave dhe masave mbrojtëse kundër #covid19 mbeten në fuqi dhe janë të obligueshme për secilin që udhëton me këta autobusë.
Të vazhdojmë të jemi të kujdesshëm dhe të ndërgjegjshëm për mbrojtjen e shëndetit tonë dhe të tjerëve rreth nesh!
