Tifozët e Marseille festojnë humbjen në finalen e Championsit të rivalit më të madh të tyre PSG

Paris Saint-Germain ka humbur dje finalen e madhe të Ligës së Kampionëve në përballje ndaj Bayern Munchen me rezultatin 1:0, me të vetmin gol të shënuar nga Coman në pjesën e dytë.

Kjo humbje e PSG-së, ka gëzuar tifozët rival të tyre të Marseille të cilët gjatë mbrëmjes së djeshme kanë dal në rrugët e qytetit të tyre për të festuar, transmeton Klan Kosova.

Madje, festa e tyre ishte aq e madhe sa që janë dhezur edhe flakadan dhe mjete tjera piroteknike.

Kujtojmë, rivaliteti mes dy skuadrave franceze është i madh, ndërsa është raportuar se policia në qytetin e Marseille gjatë ditës së djeshme kishte ndaluar barjen e fanellave të PSG-së në mënyrë që të mos ketë konflikte mes tifozëve.