Policia e Kosovës ka njoftuar për dy raste të vjedhjeve që kanë ndodhur në rajonin e Prizrenit.
Policia bën të ditur se të mërkurën janë bërë dy vjedhje në dy shtëpi të ndryshme, në Suharekë dhe Prizren, ku janë vjedhur para të gatshme dhe ari, transmeton Telegrafi.
Rastet e ndara sipas raportit të Policisë së Kosovës:
Fshati, Nishor, Suharekë 10.02.2021-19:00. Viktima mashkull kosovar, ka njoftuar se persona të panjohur, kanë kryer një vjedhje në shtëpinë e tij ku kanë vjedhur një sasi të konsiderueshme të arit dhe parave te gatshme.
Fshati, Kobaj, Prizren 10.02.2021-20:00. Viktima femër kosovare ka njoftuar se të dyshuar të panjohur, kanë depërtuar në shtëpinë e saj ku kanë vjedhur stoli ari dhe para të gatshme.
