Ekspertët kinezë nga Instituti Gjerman për Çështjet Ndërkombëtare dhe të Sigurisë thonë se Qeveria e tyre e ardhshme duhet të thellojë marrëdhëniet me Tajvanin dhe të mbështesë pjesëmarrjen ndërkombëtare të Tajvanit.
Gjermania mbajti zgjedhjet parlamentare muajin e kaluar, në të cilat asnjë parti nuk mori shumicën absolute të votave. Derisa të krijohet një koalicion, kancelarja në largim Angela Merkel do të vazhdojë si udhëheqëse. Gjatë 16 viteve të saj në pushtet, politikat e saj miqësore me Kinën janë kritikuar nga shumëkush në Evropë.
Gudrun Wacker dhe Alexandra Sakaki nga think-tank “Instituti Gjerman nga Çështjet Ndërkombëtare dhe të Sigurisë” thonë se përballë presionit në rritje nga Kina, Qeveria e ardhshme gjermane duhet të përmirësojë lidhjet me Tajvanin. Ata thonë se ndërhyrjet e fundit të Kinës në Zonën e Identifikimit të Mbrojtjes Ajrore të Tajvanit, si dhe sulmet kibernetike, dezinformatat dhe sanksionet ekonomike kanë rritur mbështetjen për Tajvanin në vendet perëndimore.
Zëdhënësi i Partisë Social Demokrate (SPD), Nils Schmid, partia e të cilit fitoi më së shumti vota muajin e kaluar, thotë se Kina nuk mund të përdorë forcën ushtarake për të ndryshuar në mënyrë të njëanshme status-quo -në në ngushticën e Tajvanit. Ai gjithashtu thotë se tajvanezët duhet të zgjedhin rrugën e tyre, pa hezitim, dhe se Gjermania duhet të mbështesë kërkesën e Tajvanit për t’u bashkuar me Asamblenë Botërore të Shëndetësisë. Schmid, gjithashtu thotë se industria gjysmëpërçuese e Tajvanit është shumë e rëndësishme për Gjermaninë dhe Evropën.
