Komisioni për Legjislacion është mbledhur ku aty kanë miratuar rendin e punës, përfshirë këtu çështjen e amandamentimit të ligjit për Zgjedhje.
Kjo mbledhje po mbahet nën tension të lartë. Partitë opozitare po kundërshtojnë procedimin tutje të këtij ligjit, shkruan Ballkani.info.
Anëtarët e PDK-së, Blerta Deliu dhe Hajdar Beqa e kanë lëshuar mbledhjen, pasi që kanë hedhur akuza në drejtim të VV-së, duke thënë se po dëshirojnë ta ngulfasin demokracinë dhe se është ide për të shkuar në zgjedhje pasi që nuk po dëshirojnë ta zgjedhin Vjosa Osmanin presidente.
Driton Selmanaj i LDK-së tha se kjo që po ndodh është shantazh ndaj opozitës dhe ndaj popullit.
“Ju lutemi të tërhiqeni këtë iniciativë, dhe nuk mund të qëndrojmë këtu”, ka thënë Selmanaj.
Më pas nga mbledhja janë larguar edhe LDK-ja dhe AAK-ja.
