Kadri Veseli pas shërimit nga koronavirusi ka vizituar varrin e familjarit Sabit Veseli.
Kryetari i PDK’së ka thënë se ai ka qenë njëri nga kontribuuesit dhe veprimtarët më të dalluar të çështjes kombëtare.
“Sot mbushen dhjetë vjet nga vdekja e njërit prej njerëzve të mi më të shtrenjtë, Sabit Veselit. Ai ka qenë një ndër më meritorët për ditët e lirisë e pavarësisë që gëzojmë sot, duke kontribuar gjithë jetën si një nga veprimtarët më të guximshëm e të dalluar të çështjes kombëtare”, ka thënë ai.
Veseli tutje ka shkruar se çdo vit që kalon ia shton mallin për kohët e zhvillimeve të vrullshme që kanë kaluar bashkë.
“Sabit Veseli për mua nuk ka qenë vetëm një familjar i dashur, por edhe frymëzues e mësues në përpjekjet tona për ta çliruar Kosovën nga pushtuesit. Çdo vit që kalon ma shton mallin për të e m’i forcon kujtimet e bukura të kohëve e zhvillimeve të vrullshme që kemi kaluar bashkë. I paharruar qoftë kujtimi i Sabitit dhe gjithë atyre veprimtarëve të tjerë që punuan gjithë jetën për Kosovën shtet”, ka thënë Veseli
