Një takim mes nënkryetarit të Lidhjes Demokratike të Kosovës, Lutfi Haziri, dhe anëtarit të Nismës Socialdemokrate, Endrit Shala, është zhvilluar një ditë para seancës konstituive të Kuvendit të Kosovës.
KosovaPress bën të ditur se dy politikanët janë parë duke biseduar në një kafiteri në lagjen Pejton në Prishtinë.
Sot pasdite është takuar edhe kryeministri në detyrë, Albin Kurti me Duda Balje nga Bashkimi Social Demokrat (SDU.
Nesër pritet të mbahet mbahet seanca e konstituive e Kuvendit të Kosovës.
Kryetari i Nismës Socialdemokrate, Fatmir Limaj, ka deklaruar të hënën se partia që ai drejton nuk ka arritur asnjë marrëveshje me ndonjë subjekt tjetër politik në lidhje me formimin e institucioneve të reja.
Limaj theksoi se Nisma është e gatshme të kontribuojë në funksion të stabilitetit institucional.
Në zgjedhjet parlamentare të shkurtit, Vetëvendosje ka dalë e para me 42.30 për qind të votave, rrjedhimisht do t’i ketë 48 deputetë. PDK-ja është e dyta me 20.95 për qind, përkatësisht 24 deputetë, LDK-ja e treta me 18.27 për qind apo 20 deputetë dhe koalicioni AAK-Nisma 7.06 për qind, respektivisht 8 deputetë.
