Në këtë takim është biseduar për rivendosjen e linjës hekurudhore midis Prishtinës dhe Beogradit, takim ky i cili zgjati pothuajse tri orë
Dje në Berlin është mbajtur takimi ndërmjet delegacionit të Kosovës dhe atij të Serbisë për vënien në funksion të linjës hekurudhore Kosovë – Serbi.
Një marrëveshje e tillë po cilësohet si hap pozitiv dhe e cila mund t’i paraprijë rifillimit të dialogut, mirëpo është kritikuar përfaqësimi i Kosovës dhe jotransparenca mbi këtë marrëveshje, shkruan sot gazeta Zëri.
Delegacionet, ajo e Kosovës dhe ajo e Serbisë, janë takuar dje në Ambasadën e Shteteve të Bashkuara në Berlin me ambasadorin Richard Grenell, i dërguar i presidentit amerikan për dialogun Kosovë – Serbi.
Aty është biseduar për rivendosjen e linjës hekurudhore midis Prishtinës dhe Beogradit, takim ky i cili zgjati pothuajse tri orë, mirëpo ende nuk dihet se çfarë është diskutuar.
