Taipei dhe Nju-Delhi janë të gatshëm të zhvillojnë raporte më të afërta strategjike dhe ekonomike me njëri-tjetrin.
Banka Shtetërore e Indisë ka përfituar nja 300 milionë dollarë amerikanë nga tregu tajvanez përmes Bonove Formosa me një përqindje prej 2.49. Kjo përqindje joshi një sërë investitorësh të huaj, si agjenci të huaja, menaxherë asetesh, bankierë privatë dhe institucione financiare, raporton Taipei Times.
Në ndërkohë, Qeveria e Indisë ka filluar bisedimet me Tajvanin për një marrëveshje të lirë tregtare. Këto zhvillime normalisht do të mund të shiheshin si një bashkëpunim rutinor në mes të Indisë e Tajvanit, megjithatë meqë këto vende nuk kanë marrëdhënie formale, dhe se India në të kaluarën ka hezituar të nënshkruajë marrëdhënie të lira tregtare me Tajvanin, atëherë kjo flet për një ndryshim të politikës së Indisë ndaj Taipeit, shkruan Sumit Kumar në Taipei Neës.
Tashmë India ka ndërmarrë disa iniciativa që hapur të lidhen raporte me Tajvanin, meqë ambasadës, de facto, të Taipeit në Nju-Delhi i është dhënë hapësirë. Ky përafrim i ri i lidershipit të Indisë ndaj Tajvanit ka zgjuar vëmendjen e mediave të shkruara dhe elektronike me fokus në marrëdhëniet midis dy vendeve. Për më tepër, ekziston një opinion i qartë ndër ekspertë të Indisë, ish-diplomatë dhe publikut në përgjithësi se India duhet të ndërmarrë iniciativa për të konsoliduar dhe për të përmirësuar raportet me Tajvanin.
Tajvani dhe India duhet të themelojnë një grup të përbashkët pune për të zbuluar mundësitë e bashkëpunimit, për të promovuar procedurat e politikave qeveritare dhe për të lehtësuar bashkëpunimin.
