Ministri i Drejtësisë në largim, Abelard Tahiri, është i ftuari i radhës nga Gjykata Speciale në Hagë.
Tahiri në “Debat Plus” me Ermal Pandurin në RTV Dukagjini ka thënë se ka marrë ftesë nga Specialja para dy javësh, në cilësinë e dëshmitarit.
Ai ka thënë se ftesa nuk ka qenë befasi për të, pasi e ka pritur një gjë të tillë për shkak të disa paqartësive që i kanë përcjellë gjatë komunikimit, përcjell Telegrafi.
Zyrtari i PDK-së ka thënë ai në cilësinë e ministrit i është përgjigjur në disa raste Gjykatës Speciale, por sipas tij institucioni që ai ka drejtuar nuk ka ndarë sekrete me ta.
