Protestuesit e zemëruar nga sulmet e fundit ajrore vdekjeprurëse të SHBA-ve, që kishin për objektiv milicinë irakiane të mbështetur nga Irani, kanë sulmuar kompleksin e Ambasadës Amerikane në Baghdad.
Trupat amerikane qëlluan me gaz lotsjellës për të shpërndarë një turmë njerëzish që u futën në murin e jashtëm të kompleksit, i cili ndodhet në Zonën e Gjelbër, të fortifikuar në kryeqytet.
Një nga kullat e rojeve gjithashtu dukej se ishe ndezur në zjarr.
Të paktën 25 luftëtarë vdiqën kur SHBA-të bombarduan bazat e lidhura me Kataib Hezbollah në Irak dhe Siri ditën e diel.
SHBA-të po e fajësojnë milicinë për një sulm me raketa në një bazë ushtarake irakiane në Kirkë, ku mbeti i vdekur një kontraktues civil amerikan.
Kryeministri i Irakut denoncoi “shkeljen e sovranitetit të Irakut”, ndërsa ministria e jashtme e Iranit tha se sulmet e SHBA-ve ishin një “shembull i qartë i terrorizmit”.
Udhëheqësi i Kataib Hezbollah, Jamal Jaafar Ibrahimi – i cili njihet edhe si Abu Mahdi al-Muhandis – paralajmëroi se “gjaku i dëshmorëve nuk do të shkojë dëm”.
“Përgjigja jonë do të jetë shumë e ashpër për forcat amerikane në Irak”, tha ai.
