Sot pritet të ndodhë takimi i shumëpërfolur në mes të dy drejtuesve të partive që dolën të parat.
Lideri i Lëvizjes Vetëvendosje Albin Kurti do të takohet me kryetarin e Lidhjes Demokratike të Kosovës, Isa Mustafa.
Këtë e ka bërë të ditur gjatë ditës së djeshme pretendenti për kryeministër nga Vetëvendosja i cili tha se liderët prej të cilëve priten vendimet përfundimtare nuk bën të zhagitin takimet, sepse koalicioni VV-LDK ka shumë punë për të bërë.
Kurti tha se në takimin me Mustafën do të diskutohet për çështjet e mbetura për harmonizimin e programit për bashkëqeverisje.
Por, ai deklaroi se megjithatë nuk do të pranojë kushtëzime në ndarjen e pozitave qeverisëse nga, siç e quajti ai, profesori Isa Mustafa.
