Specialistët stomatologë të papunë, sot do të protestojnë para Qeverisë së Kosovës.
Protesta do të nisë në ora 10:00 dhe organizohet në vazhdën e protestave të mbajtura më herët para Ministrisë së Shëndetësisë dhe Qeverisë së Kosovës.
Ata kërkojnë që të mbahet premtimi për punësimin e tyre e cila iu është bërë kohë më parë nga krerët institucionalë.
Sipas tyre, moszgjidhja e kësaj çështje ka bërë që shumë prej këtyre stomatologëve të largohen nga Kosova dhe të marrin rrugën e Perëndimit.
Ata thonë se nëse nuk bëhet një zgjidhje e shpejtë edhe të tjerët do të detyrohen të kërkojnë punë në ndonjë vend tjetër.
