Të dielën ka nisur procesi i votimit në zgjedhjet e parakohshme në Austri. Mbajtja e tyre erdhi pas prishjes së koalicionit qeveritar për shkak të një video-skandali, ku një zyrtar i lartë dëgjohej duke premtuar dhënie kontratash për një oligark rus.
Sipas rezultatit të sondazheve, shumicën e votave pritet t’i fitojë Partia Popullore e ish-kancelarit Sebastian Kurz. Sidoqoftë, pritet që ai të mos mund të marrë mbi 50 për qind të votave dhe do të ketë nevojë të hyjë në koalicion me një parti tjetër për ta formuar qeverinë.
Pjesë serioze e garës janë edhe partia e së djathtës ekstreme, “Liria”, Partia e Gjelbër dhe Partia Liberale.
Pritet që bisedimet për koalicion të jenë të vështira dhe të zgjasin disa javë për shkak të dallimeve mes partive politike për çështje të caktuara.
Qendrat e votimit janë hapur në tërë Austrinë në orën shtatë të mëngjesit dhe do të mbyllen në orën 17.
Kandidati kryesor për t’i fituar këto zgjedhje, Sebastian Kurz, filloi të angazhohej në politikë që nga mosha 16-vjeçare. Kur ishte vetëm 27 vjeç, ai u zgjodh ministër i jashtëm i Austrisë, duke u bërë një ndër personat më të rinj në botë që merr pozitë kaq të lartë, shkruan “BBC”,
