Ndonëse në vitin 2017 deklaroi se Lëvizja Vetëvendosje në embrion është parti kriminale, tri vite më vonë Shkëlzen Gashi, tani në pozitën e këshilltarit të kryeministrit në detyrë ka ndryshuar qëndrim.
Sot, në konferencën e përbashkët me Kurtin, Gashi ka tentuar ta arsyetojë deklaratën e dhënë në 2017-në.
Sipas Gashit, të korruptuarit e të korruptueshmit janë ish-deputetët e Vetëvendosjes, të cilët në mars të 2018-s braktisën partinë e Kurtit.
“Me siguri ka qenë para zgjedhje ose gjatë zgjedhjeve – natyrisht që nuk muj me pas mendimin e njëjtë sepse shumica dërmuese e atyre për të cilët kam aluduar që janë të korruptum e të korruptueshëm e kanë braktisë Lëvizjen Vetëvendosje dhe kanë formu një subjekt të ri dhe pastaj ju kanë bashkangjitur partive tjera kriminale që gjatë tërë kohës i kanë akuzuar si parti kriminale do të thotë jemi në vitin 2020 kanë kaluar 3 vjet”, ka thënë Gashi.
Në 2017-në, Shkëlzen Gashi në cilësinë e njërit prej ish-themeluesve të Lëvizjes Vetëvendosje në intervistë për Kosovo 2.0, pati deklaruar se për VV-në, kriminelët kur janë me partitë tjera janë kriminelë, kurse kur janë me VV-në janë patriotë
