Sot do të mblidhet Këshilli Drejtues i Partisë Demokratike të Kosovës për të marrë vendime për zgjedhje nacionale.
Zyrtarë brenda PDK-së bëjnë të ditur për Telegraminsot se sot pritet të miratohen “vendime të rëndësishme për mobilizimin e menjëhershëm të gjitha strukturave të partisë për zgjedhjet e ardhshme nacionale”.
Gjithashtu, sipas këtyre burimeve, “pritet që Këshilli Drejtues i PDK-së të merr vedim se a do ta mbështesë kryetarin Memli Krasniqi, Kryesinë e partisë, Grupin Parlamentar dhe strukturat tjera në krijimin dhe ofrimin e alternativës më të mirë qeverisëse për Kosovën”, apo të shkohet në zgjedhjet brenda partisë.
Përveç çështjeve të brendshme të partisë, Këshilli do të flasë edhe për aktualitetin politik, veçanërisht do të flitet për çështjen e draft-statutit për formimin e Asociacionit të komunave me shumicë serbe në Kosovë.
Po ashtu, pritet të diskutohet për aktivitetin e Kryesisë së PDK-së dhe Grupit Parlamentar të kësaj partie.
