Skandaloze| Zëdhënësi i VV-së krahason qytetarët që protestuan me qentë

Zëdhënësi i LVV-së, Arlind Manxhuka së fundi ka publikuar një fotografi skandaloze, përmes së cilës ka krahasuar sindikalistët që protestuan sot me kafshë, më konkretisht me qentë.

Në llogarinë e tij në Instagram, Manxhuka ka publikuar një fotografi të disa qenve në rrugë, krahas së cilës ka shkruar “protestë, bllokadë”.

Ky postim i tij, vjen pikërisht në ditën kur Bashkimi i Sindikatave të Pavarura te Kosovës (BSPK) ka protestuar në sheshet kryesore të Prishtinës.

SIndikalistët po kërkojnë nga Kurti rritjen e pagave, zbatimin e Ligjit për Sigurimin Shëndetësor, si dhe ndryshim-plotësimin e Ligjit për Skemat Pensionale.

Kryetari i BSPK-së, Atdhe Hykolli të premten gjatë protestës tha se nuk do të vazhdojnë të durojnë qeverinë pa zbatuar kërkesat e tyre.

Ndërsa, udhëheqësi i SBAShK-ut, Rrahman Jashari tha se prej datës 20 prill do të jenë në grevë nëse kërkesat e tyre hasin në veshë të shurdhër.

Paraprakisht, sindikalistët parakaluan nëpër rrugët e kryeqytetit dhe e përfunduan protestën para objektit qeveritar./