Instituti Hidrometeorologjik i Kosovës ka njoftuar se të mërkurën, më 25 dhjetor, në vend do të mbajë mot kryesisht i vranët, dhe herë-herë me reshje shiu.
Në viset malore parashihet të bjerë shi me borë, ka bërë të ditur IHMK.
Sipas institutit, temperaturat minimale parashihen të lëvizin ndërmjet -1 deri 2 gradë Celsius, ndërsa maksimalet e ditës parashihen të lëvizin ndërmjet 4-6 gradë Celsius.
IHMK ka paralajmëruar se do të fryjë erë mesatare deri e fortë nga drejtimi i verilindjes dhe veriperëndimit.
