Grabitjet e bankave, dyqaneve e shtëpive private janë shndërruar në trend kohët e fundit në vendin tonë.
Madje këto grabitje po shoqërohen edhe me armë, e të cilat po ndodhin në një kohë të shkurtë në qytete të ndryshme të Kosovës.
E cak i hajnave ka qenë mbrëmë edhe një dyqan në kryeqytet. Ky dyqan u grabit nga persona të maskuar e të armatosur.
Ata morën një shumë parash. Këtë e konfirmoi për T7 edhe Policia e Rajonit të Prishtinës, të cilët po vazhdojnë të merren me rastin.
E grabitjet në vend që po shtohen dita e ditës, po konsiderohen shqetësuese nga ekspertët e sigurisë.
Nuredin Ibishi ka treguar arsyen e këtyre grabitjeve, por ka propozime si mund të parandalohen.
Ndërsa të mërkurën që lamë pas, cak i grabitjeve ka qenë edhe një shtëpi private në Godanc të Shtimes, ku njëri nga grabitësit u vra nga pronarët e shtëpisë.
Lidhur me këtë rast, Policia ka arrestuar edhe tre të dyshuarit e tjerë.
