Zyra Federale e Shëndetit Publik (FOPH) të hënën azhurnoi listën e vendeve që vlerësohet se kanë një rrezik të lartë të infeksionit nga koronavirus dhe hoqi Belgjikën, Meksikën, Luksemburgun, El Salvadorin, Eswatini (ish-Svaziland), Kazakistanin, Kirgistanin dhe Omanin.
Por në listën e 55 vendeve me rrezik të lartë shtoi: Kroacinë, Polinezinë Franceze, Guajanën, Libanin, Libinë, Paraguain, San Marino, Trinidad dhe Tobago, Ukrainën dhe Emiratet e Bashkuara Arabe, raporton swissinfo.ch, përcjell Albinfo.ch
Sipas rregullave zvicerane, kushdo që hyn në Zvicër nga një prej vendeve në listën e re duhet të shkojë në karantinë për dhjetë ditë për të ndihmuar në frenimin e përhapjes së Covid-19, ose rrezikon një gjobë.
Kush mund të udhëtojë?
Sipas masave aktuale Covid-19, udhëtimi mbetet i mundur midis Zvicrës dhe shumicës së vendeve të tjera të Bashkimit Evropian, EFTA dhe Mbretërinë e Bashkuar.
