Policia e Kosovës në bashkëpunim me Inspektorët e Agjencisë së Ushqimit dhe Veterinës kanë nisur një aksion në të gjithë Prishtinën për të parë nga afër nëse po respektohen masat anti-Covid, shkruan IndeksOnline.
Inspektorët kanë shqiptuar masa ndëshkimore dhe kanë zbrazur lokalet që kishin shkelur rregullat. Lajmin për këtë aksion e ka konfirmuar për IndeksOnline, zëdhënësi i AUV-it, Lamir Thaçi.
“Jemi në terren bashkë me Policinë e Kosovës në gjithë regjionin e Prishtinës për të parë zbatimin e masave anti-COVID kur kanë hasur organizime që janë në kundërshtim me ligjin dhe masat e marra nga Qeveria”.
Edhe zëdhënësi i policisë për rajonin e Prishtinës, Bajram Krasniqi, ka konfirmuar se disa ekipe të policisë bashkë me inspektorët kanë kryer aktivitete në kafenetë te Rruga B në kryeqytet.
“Në atë lokacion ka njësi policore që janë duke kryer aktivitetet në zbatim, respektim të masave ndaj pandemisë. Aktivitetet janë duke u zhvilluar së bashku me inspektorët kompetentë”, tha ai.
