Një shpërthim i fuqishëm është dëgjuar mbrëmë në Zubin Potok.
E si shkak i këtij shpërthimi pati edhe zjarr në një ndërtesë të pabanuar.
Kjo është konfirmuar edhe nga zv/drejtori i policisë për rajonin e veriut, Veton Elshani, i cili theksoi se nga ky shpërthim për fat të mirë nuk ka të lënduar.
“Në Zubin Potok është raportuar një shpërthim nga i cili dyshohet se ka shkaktuar edhe një zjarr në një ndërtesë të pabanuar e të papërfunduar”, tha ai.
Po ashtu Elshani theksoi se ende nuk dihet se cili ishte shkaktari që çoi deri tek ky shpërthim, por se njësitë policore janë duke e hetuar atë.
“Nuk ka të lënduar, ndërsa policia dhe zjarrfikësit janë në vendin e ngjarjes. Ende nuk dihet se nga çka është shkaktuar shpërthimi, por njësitet policore adekuate janë në vendin e ngjarjes”.
