Ish kryetari i LDK-së në Obiliq, njeherit edhe ish kandidat për kryetar të Komunës nga kjo parti, Mehmet Krasniqi, përmes një reagimi është përplasur keq me kryetarin e Komunës së Pejës, njeherit nënkryetar i LDK-së, Gazmend Muhaxherin.
Krasniqi e ka akuzuar Muhaxherin për falsifikim të vendimeve të kryesisë së LDK-së në Obiliq.
“Sot na erdhi Vendimi i shkruar nga i njëjti duke ndërruar e falsifikuar në tërsi përbërjen e komisionit.Tre (3 )të parët të emëruar në këtë Vendim nuk ishin fare pjesë e mbledhjes dhe opinioni e din që dy prej tyre në rundin e parë të zgjedhjeve punuan kundër LDK-së dhe kandidatit të saj;ndërsa i katerti(4) A.B. nuk është në asnjë cilësi anëtar i LDK-së ,përkundrazi është militant i IQ-së dhe drejtor komunal në mandatet e XH.G. E kot ishte përpjekja e kryetarit të degës sonë sot që të kontaktojë zotriun që ka falsifikuar Vendimin G.Muhaxheri i cili asesi nuk e hapte telefonin sigurisht i ndjerë ngushtë nga manipulimi që ka bërë ndoshta edhe i shtyrë nga dikush tjetër”, thuhet ndër tjerash në reagimin e Krasniqit.
Postimi i plotë:
Për anëtarët e LDK-së dhe opinionin publik
Informatë nga kryesia e degës së LDK-së në Obiliq
Pardje në kryesinë e degës sonë kishim në takim pune Nenkryetarin e LDK-së Gazmend Muhaxheri dhe Sekretarin Imri Ahmeti.
Pas shumë diskutimeve përmbajtësore kah fundi i takimit, G.Muhaxheri nxori në dritë përcaktimin e tij që komisioni që do të udhëheq procesin zgjedhor në përgjithësi në Obiliq të përbëhet nga:
Kryetarja e FG-së G.Aliu
Kryetari në detyrë i FR L.Simnica
Anetarët kryesisë V.Aliu, H.Raqi apo A.Preniqi
Sot na erdhi Vendimi i shkruar nga i njëjti duke ndërruar e falsifikuar në tërsi përbërjen e komisionit.Tre (3 )të parët të emëruar në këtë Vendim nuk ishin fare pjesë e mbledhjes dhe opinioni e din që dy prej tyre në rundin e parë të zgjedhjeve punuan kundër LDK-së dhe kandidatit të saj;ndërsa i katerti(4) A.B. nuk është në asnjë cilësi anëtar i LDK-së ,përkundrazi është militant i IQ-së dhe drejtor komunal në mandatet e XH.G.
E kot ishte përpjekja e kryetarit të degës sonë sot që të kontaktojë zotriun që ka falsifikuar Vendimin G.Muhaxheri i cili asesi nuk e hapte telefonin sigurisht i ndjerë ngushtë nga manipulimi që ka bërë ndoshta edhe i shtyrë nga dikush tjetër.
Sidoqofte, LDK-ja në Obiliq e hedh poshtë këtë Vendim të falsifikuar e të pa mbështetur në asnjë normë statutare të LDK-së, sikur që konstaton që i tërë ky proces ka filluar të zhvillohet në kundërshtim të plotë me aktet normative të partisë dhe i bënë thirrje Kryetarit Lumir Abdixhiku që ta anulojë këtë Vendim të falsifikuar e kontrabanduar dhe të përcaktojë dikend tjetër nga kryesia me u marr me procesin në Obiliq.
E ftojmë elektoratin tonë ta ken besimin e plotë te kryesia dhe strukturat legjitime të degës dhe të pregaditen edhe njëherë t’i japin përgjigjen meritore ardhacakve-muhaxhirëve politik sikur që ka dit t’ua tregojë vendin profiterëve e mercenarëve politik që në çdo zgjedhje janë munduar më kot ta grabisin e vjedhin shtëpinë tonë LDK-në që e kemi ndërtuar e kultivuar me mund,djersë,dije…
Këtu jemi e do të jemi den babadem.
