Një bombol gazi ka shpërthyer në një banesë në Durrës, me ç’rast dy persona kanë mbetur të lënduar dhe janë dërguar me urgjencë në spital.
Ata ndodhen nën kujdesin e mjekëve, ndërsa mbetet e paqartë nëse ndodhen jashtë rrezikut për jetën.
Grupi hetimor ka mbërritur në vendin e ngjarjes për të zbardhur rrethanat.
“Më datë 19.02.2021, në orën 08:35, në urgjencën e spitalit rajonal Durrës janë paraqitur për të marrë mjekim shtetasit S. S. dhe R. S, banues në Arapaj, Durrës, të cilët kanë mbetur të lënduar si pasojë e shpërthimit të bombulës së gazit në banesë. Shtetasit S. S. dhe R. S. ndodhen nën kujdesin e mjekëve. Grupi hetimor po punon për zbardhjen e rrethanave të ngjarjes”, njofton policia, raporton Albeu.com.
