Komuna e Prishtinës mbrëmë e ka publikuar listën e përfituesve të granteve për bizneset e komunës me qarkullim deri në 50 mijë euro.
Në total kanë përfituar 4,941 biznese, 1,976 mikro biznese me nga 600€ dhe 2,965 biznese të vogla me nga 1,300 euro.
Veprimtaria e disa qendrave të masazheve shumë herë nga organet kompetente është vënë në dyshim dhe shumë prej tyre edhe janë mbyllur.
Në listën e Komunës janë parë mbi 20 emra të biznesve të masazhit që kanë përfituar nga 600 deri në 1300 euro.
Shumica e këtyre qendrave të masazheve kanë reklamuar aktivitete e tyre në rrjetet sociale, reklamime këto në të cilat janë postuar fotografi joshëse duke treguar pjesë të trupit të femrave të cilat bëjnë ‘masazhë’.
Këto janë disa prej bizneseve që gjenden në listën e komunës.
Policia e Kosovës, Drejtoria për Hetimin e Trafikimit me Qenie Njerëzore (DHTQNJ), në bashkëpunim edhe me institucionet tjera përkatëse, kanë mbyllur 22 lokale të masazheve vitin e kaluar në Komunën e Prishtinës dhe në atë të Fushë Kosovës gjatë aksionit të koduar “Masazhi 2019”.
