Në kuadër të fushatës “Tetori – Muaji Rozë”, Këshilli i Nxënësve i SHFMU “Pavarësia” në Prishtinë, nën udhëheqjen dhe mentorimin e arsimtares Fiqirete Krasniqi Pelaj, organizoi sot një sërë aktivitetesh sensibilizuese me qëllim ngritjen e vetëdijes për mbrojtjen dhe parandalimin nga kanceri i gjirit.
Gjatë ditës, nxënësit prezantuan punime tematike, shpërndanë broshura informuese, realizuan instalacione simbolike dhe recitime poetike kushtuar grave që përballen me këtë sëmundje.
Në aktivitet morën pjesë edhe mjeket e QMF Mat 1 – Prishtinë, të cilat mbajtën një ligjëratë të veçantë me theks te rëndësia e kontrollit të hershëm, kujdesit shëndetësor dhe mënyrave të parandalimit.
Ky aktivitet u zhvillua në kuadër të nismës gjithëbotërore për rritjen e ndërgjegjësimit rreth kancerit të gjirit dhe për të inkurajuar gratë që të kryejnë kontrolle të rregullta shëndetësore.
???? #MuajiRozë #Parandalim #Kujdes #Aktivizëm #SHFMUPavarësia
