Uragani Laura, një nga uraganet më të fortë që kanë goditur Shtetet e Bashkuara të Amerikës i ka marrë jetën 14 personave. Dhjetë nga viktimat ishin nga Luiziana dhe katër në Teksas.
Erërat e forta shkaktuan dëme të mëdha, ndërprerje të energjisë elektrike në më shumë se gjysmë milion shtëpi dhe një zjarr kimik nga një fabrikë industriale.
Guvernatori i Louisiana John Bel Edwards i ka kërkuar qeverisë federale ndihmë të menjëhershme financiare pasi dëmet janë katastrofike.
Presidenti Donald Trump pritet të udhëtojë ditën e shtunë në të dyja këto shtete për t’u takuar me njerëzit e prekur nga uragani, bën te ditur Shtëpia e Bardhë në një deklaratë të dhënë.
Laura tani është zbutur, mirëpo shiu i fortë vazhdon të bjerë në disa shtete.
