Shkarkohet kryeshefi i Trepçës: Fshesa e Kurtit më kapi, por do bëj padi

Bordi i Përkohshëm i Drejtorëve të Trepçës e ka shkarkuar kryeshefin ekzekutiv të kësaj ndërmarrjeje, Basri Ibrahimi.

Po vazhdojnë shkarkimet nga bordet e përkohshme të ndërmarrjeve publike, të emëruara nga kryeministri në detyrë Albin Kurti.

Shkarkimin e ka konfirmuar për Gazetën Express vetë Ibrahimi, i cili është informuar sot nga bordi për një vendim të tillë.

Bordi i Përkohshëm i Trepçës u emërua në fillim të marsit, me vendim të Qeverisë.

Anëtarët e ri të Bordit të përkohshëm të Trepçës janë: Sylejman Hyseni, kryesues dhe drejtor i bordit, Bahri Hyseni, drejtor-përfaqësues i

Republikës, Shyqri Kelmendi drejtor-përfaqësues i Republikës, Shyqri Sadiku, përfaqësues i punëtorëve.

Ministrja e Ekonomisë, Rozeta Hajdari, pati thënë se në bordin e drejtorëve emëruan “ekspertë të dëshmuar”.