Shtetet e Bashkuara të Amerikës ia kanë dhuruar Shqipërisë 32 mijë teste për COVID-19.
Lajmi është konfirmuar nga ambasadorja amerikane në Tiranë, Yuri Kim me anë të një postimi në rrjetet sociale.
Testet do të shkojnë në Institutin e Shëndetësisë Publike dhe në Spitalin Nënë Tereza gjatë kësaj jave.
Në mesin e dhuratave që SHBA i ka bërë Shqipërisë, ishte edhe një makinë e automatizuar nxjerrëse që pastron ARN-në duke mundësuar përpunimin e më shumë testeve.
“Aleatët gjithmonë e ndihmojnë njëri-tjetrin në kohë nevoje”, shkruan Kim.
