Zëvendëskryeministri i Kosovës, Driton Selmanaj, ka thënë se për të gjithë ata që kanë dilema kryeministri së Kosovës është ai që do të jetë autoriteti i vetëm ekzekutiv që e udhëheqë dialogun me Serbinë.
Ai tha se platforma e vetme e dialogut është dhe do të mbetet Kushtetua e Kosovës, njofton Klan Kosova.
Bashkëpartiaku i Hotit ka përmendur edhe parimet e dialogut ku ka thënë se dialogu do të jetë vetëm për çështje politike ndërsa dialogu teknik i takon së kaluarës.
“Për të gjithë ata që ende kanë dilema.. Kryeministri i Qeverise së Kosovës është autoriteti i vetëm ekzekutiv që udhëheq dialogun mes Republikës së Kosovës dhe Serbisë. Platforma e vetme politike për dialog është dhe mbetet Kushtetuta e Kosovës”.
“Parimet e dialogut: Dialogu zhvillohet për çështje politike, dialogu teknik tashmë i takon së kaluarës; Dialogu do të përfundoj me njohje reciproke; Marrëveshja do të jetë gjithëpërfshirëse dhe ligjërisht e obligueshme; Marrëveshja përfundimtare do të jetë në plotni me frymën e Kushtetutës së Kosovës, në të kundërtën nuk do pranohet assesi”.
“Çështjet që nuk do diskutohen në negociata; Territori, sovraniteti dhe sistemi unitar i shtetit. Jemi të bindur që ky proces nuk mund të mbyllet suksesshëm pa përkrahjen e miqve tanë SHBA-BE. Kjo përkrahje ekziston dhe për këtë nuk duhet të ketë dilema askush. Kjo temë kërkon transparencë, unitet dhe lidership me përgjegjësi të larta shtetërore e kombëtare. Këtë angazhim dhe përkushtim tashmë e ka dëshmuar qeveria me kryeministrin Hoti. Tema tjera të rëndësisë terciare dhe për politika të brendshme dhe me interes ditor kemi dhe do ketë gjithmonë me bollëk”.
Ndërkaq, gjatë ditës ministri i Drejtësisë, Selim Selimi, i cili është edhe si përfaqësues i AAK-së për çështjen e dialogut, tha se derisa ai përjashtohet nga partneri i koalicionit nuk ndihet i sigurt që qëllimi i 17 shkurtit po realizohet
