Fotografi të tmerrshme të viktimave të përgjakura, të cilat duket se janë qëlluar me armë zjarri, janë publikuar pas një dite të dhunshme në Papuan Perëndimore të Indonezisë. Në përleshje janë vrarë së paku 20 njerëz, ndërsa 70 të tjerë janë lënduar.
Katër njerëz, përfshirë një ushtar, u vranë dhe disa të tjerë u lënduan kur forcat indoneziane të sigurisë hapën zjarr ndaj studentëve pas një proteste lidhur me racizmin në një universitet në Jayapura të hënën.
Në një incident tjetër në qytetin Wamena, së paku 16 civilë u vranë dhe 65 u lënduan gjatë një kryengritjeje, për të cilën protestuesit thanë se u nxit nga një mësues që e kishte quajtur “majmun” një nxënës të shkollës së mesme.
Qindra studentë ishin mbledhur në Universitetin e Cenderawasih-ut, por u urdhëruan nga autoritetet që të shpërndahen. Dëshmitarët thanë se studentët ishin duke shkuar në shtëpi dhe sapo kishin zbritur nga autobusët, kur shpërtheu përleshja me policinë.
“Papritmas policia filloi të vraponte shpejt në drejtim të studentëve dhe i pashë se po i qëllonin ata me armë. Policia qëllonte në ajër dhe në drejtim të studentëve. Ata përdorën edhe gaz lotsjellës”, tha Martini, një dëshmitar i rastit.
Protestat e banorëve të Papuas Perëndimore kundër racizmit po shihen si pjesë e kërkesës së tyre për ta shpallur pavarësinë nga Indonezia, shkruan “The Guardian”, transmeton
