Nga 6 mijë deri në 50 mijë euro një parti politike mund të dënohet nëse thyen heshtjen zgjedhore. Kështu thuhet në rregulloren e Panelit Zgjedhor për Parashtresa dhe Ankesa.
Gjithashtu sipas PZAP vlera e gjobës varet edhe nga disa kritere tjera.
Natyra e shkeljes dhe ndikimit të mundshëm të saj në procesin zgjedhor, shkallën dhe peshën e shkeljes, nëse subjekti politik ka bërë shkelje të legjislacionit zgjedhor në fuqi në këto zgjedhje apo në zgjedhjet e mëparshme në Kosovë, përsëritja e shkeljes së natyrës së njëjtë nga subjekti politik gjatë një procesi zgjedhor, shumën e fondeve të cilat i merr subjekti politik nga Buxheti i Republikës së Kosovës, janë kritere të cilat përcaktojnë dënimin.
“Gjatë heshtjes zgjedhore partive politike u ndalohet shpërndarja ose shfaqja ne mënyre tjetër në ndonjërën nga Qendrat e Votimit, ose 100 metra brenda hapësirës se te njëjtës, e çfarëdo lloj materiali me qellim ndikimi tek votuesit”, thuhet në këtë rregullore.
Po ashtu gjatë 24 orëve të heshtjes zgjedhore, të gjitha subjekteve u ndalohet të bëjnë fushatë në çfarëdo mënyre për hedhjen e votës apo ndikim tek votuesit
Për këto shkelje, subjektet të cilat janë të përfaqësuara në Kuvendin e Kosovës dënohen nga 6 mijë deri në 25 mijë euro, ndërsa ato të cilat nuk janë të përfaqësuar nga 5 mijë e 5 qind deri në 20 mijë.
Heshtja zgjedhore hyn në fuqi një ditë para zgjedhjeve ( e shtunë), gjegjësisht, në mesnatë mes të premtes dhe të shtunës, kur mbaron fushata zgjedhore. Heshtja vazhdon deri në ora 19, në ditën e votimeve ( e diel). Kjo nënkupton se propaganda, agjitimi partiak, ryshfeti i votuesve, fushata dhe shkelje tjera të Kodit Zgjedhor janë rreptësisht të ndaluara.
