Ministria e Mbrojtjes së Rusisë ka deklaruar se nuk dinte asgjë në lidhje me ndihmën për Forcën Ajrore të SHBA, të përmendur nga presidenti Donald Trump në një konferencë shtypi, ku ai foli për vrasjen e liderit të Shtetit Islam Abu Bakr Al Baghdadi.
“Ne nuk dimë asgjë për ndonjë ndihmë për aeroplanët amerikanë në hapësirën ajrore Idlib me qëllim të operacionit,” tha zëdhënësi i Ministrisë së Brendshme Igor Konashenko.
Trump tha në një konferencë për shtyp se Rusia kishte hapur hapësirën ajrore për avionët amerikanë, të cilën e ka në kontroll mbi territoret siriane.
Por, Konashenkov tha se asnjë sulm ajror nuk ishte raportuar nga aviacioni amerikan ose koalicioni i udhëhequr nga SHBA në Idlib sot ose ditët e mëparshme.
Ai tha gjithashtu se edhe një raport tjetër mbi vrasjen e udhëheqësit të ISIS-it nuk mund të ndikojë për të përkeqësuar ende situatën në Siri.
“Pasi ISIS u mposht nga forcat e qeverisë siriane dhe u mbështet nga forcat ajrore ruse në fillim të vitit 2018, vdekja e Abu Bakr Al Baghdadi nuk do të ketë ndikim në situatën në Siri ose veprimet e terroristëve të mbetur në Idlib,” tha Konashenkov, transmeton KosovaPress.
