Kufizimet si pasojë e koronavirusit kanë çuar në një rënie të përdorimit të transportit në të gjithë botën.
Por ndonëse këto masa kanë shkaktuar telashe te njerëzit, ato kanë qenë një lajm i mirë për disa kafshë, duke përfshirë një specie të rrallë të delfinit.
Numri i delfinëve “humpback” indo-paqësor (i njohur gjithashtu si delfini i bardhë kinez, ose delfini rozë) të pikasur rreth Hong-Kongut, është rritur në muajt e fundit pasi trafiku i trageteve ka rënë, raporton agjencia e lajmeve “Reuters”.
“Këto ujëra, të cilat dikur ishin një nga rrugët më të ngarkuara në Hong-Kong, tani janë bërë shumë të qeta”, i tha “Reuters”-it Lindsay Porter, një shkencëtar detar nga Universiteti i St. Andrews.
Ajo tha se numrat e delfinëve ishin rritur me 30% prejse anijet midis Hong-Kongut dhe Macaut u pezulluan në mars, duke shtuar se kafshët duket se ishin përshtatur shpejt me situatën e re.
