Në Komisionin për Çështje të Sigurisë dhe Mbrojtjes ka raportuar i u.d të Drejtorit të Departamentit për Kufi, Kolonel Ragip Bunjaku,
Ai i pohoi se 28 persona kanë qenë të kontrabanduar, si dhe ka shtuar se me kompetenca të plota e mbikëqyrim territorin e Kosovës.
“Sa i përket rasteve tjera numri i të arrestuarve këtë vit i kemi 20 në lidhje me kontrabandimin me emigrantë ndërsa 28 viktima kanë qenë të kontrbanduara. Kemi raste të zbuluara këtë vit edhe të kërpudhave dhe ne e dimë që ato janë shumë të rrezikshme”.
Ndërsa ai ka folur edhe për rastin në veri ku u arrestuan 22 pjesëtar të Policisë kufitare.
Ai tha se të gjithë ata që janë pjesëtar të Policisë dhe janë të involvuar në korrupsion do të suspendohen dhe nuk do ju falet asnjë sekondë.
Derisa në pyetjet e deputetëve se a është ende nën hetime, Bunjaku tha se tani është shumë i pastër dhe asnjëherë nuk është konfirmuar aktakuza ndaj tij.
“Sa i përket veriut dhe arrestimit të zyrtarëve policor, procesi është në gjykatë dhe nuk kam njohur më shumë dhe ata janë përjashtuar. Nuk jam nën hetime procesi ka përfunduar në tërësi dhe jam i pastër dhe asnjëherë nuk është konfirmuar aktakuza ndaj meje”, u shpreh ai.
“Rasti ka përfunduar në tërësi me vendimin e të gjitha gjykatave dhe aktakuza asnjëherë nuk është konfirmuar”, tha ai gjatë raportimit në Komision.
Enver Dugolli nga VV-ja ka pyetur Bunjakun se çfarë ka ndodh me rastin në veri të vitit 2019 ku u arrestuan 22 pjesëtarë të policia kufitare.
“Në një organizim policor që ka ndodh në veri që ka qenë shënjestër luftimi i korrupsionit janë arrestuar 22 pjesëtarë policor kufitar, megjithatë ekziston një raport i progresit, çka është ndërmarr më shumë ku është procesi ku është procesi për këta 22 pjesëtarë të policisë kufitare”.
Ndërsa deputeti tjetër i VV-Mefail Bajqinovcu ka pyetur Drejtorin e Departamentit për kufi se a është ende nën hetime, raporton EO.
Deputeti i PDK-së Elmi Reçica ka pyetur se a e pengon Bunjakun në marrjen e vendimeve pasi që është u.d i drejtorit.
“Ju jeni emëruar edhe vet në prill të këtij viti si u.d dua ta di nga ju a ju pengon kjo që jeni ende u.d që të merrni veprime dhe ndryshime dhe të realizoni atë se çka është më e mira, pyetja e dytë a është zhvilluar ndonjë proces gjyqësor kundër jush”
