KQZ gjatë mbledhjes që po e mban tani ka njoftuar se do t’i rinumërojë 494 vendvotimeve për shkak të problemeve të auditimit, shkruan Gazeta Sinjali.
Po ashtu, KQZ-ja i ka ndarë në katër kategori vendvotimet të cilat do të rinumërohen, për arsye të mospërputhjeve të formularëve të rezultateve.
Kategoritë e ndara nga KQZ-ja:
1. Gabimi në bartjen e votës, pasi janë bartur votat gabimisht në subjektet politike dhe nuk kanë arritur ta kalojnë auditimin.
2. Gabimi në bartjen në formularët e rezultateve të kandidatëve, për shkak që numri i votave ishte i paqartë
3. Kandidati ka më shumë vota sesa subjekti politik
4. Kur subjekti ka vota, ndërsa kandidati nuk ka vota dhe anasjelltas.
Kurse, kryeshefi i KQZ-së, Burim Ahmetaj, ka deklaruar se Qendra e Numërimit dhe Rezultateve i ka përfunduar të gjitha aktivitetet që kanë të bëjnë me procesimin e materialeve zgjedhor dhe tashmë është bërë regjistrimi i të gjithë votuesve me kusht në databazën e të dhënave.
