Sot rreth orës 04:48 të mëngjesit në rrugën “Bedri Gjini” në Prishtinë, ka ndodhur një rrëshqitje dheu pranë një punishteje, ku si pasojë disa vetura kanë rënë në hendek.
Lajmin e ka konfirmuar edhe zyrtari i Policisë për Informim, Daut Hoxha, i cili ka bërë të ditur se njësitë policore kanë dalë në vendin e ngjarjes.
“Me datë 27.10.2019 rreth orës 04:48, policia ka pranuar informatën për një rast të rrëshqitjes së dheut dhe rrjedhje të ujit në rrugën ’Bedri Gjini’ në Prishtinë”.
“Njësia policore menjëherë ka reaguar duke dalë në lokacion dhe sipas raportimeve aty ndodhej një vendpunishte ku është hapur hapësira për ndërtim dhe dyshohet që nga rrëshqitja e dheut ka ardhur edhe të dëmtimi i gypit të ujit me ç’rast janë dëmtuar edhe dy automjete”, tha Hoxha.
