Amir Rrahmani ditë më parë i është bashkuar skuadrës së Napolit. Në një intervistë për “Radio Kiss Kiss”, mbrojtësi i Kosovës ka zbuluar se tifozët e Napolit kanë kërkuar që të mposhtet Juventusi.
“Shpresojmë që ta fitojmë Ligën e Evropës. Kemi gjithçka për t’i shkuar deri në fund. Kemi lojtarë për të arritur gjithçka. Mund të bëjmë rotacion. Fansat më kërkojnë ta mund Juventusin, t’i fitoj Kupën dhe Ligën e Evropës. Unë mund të premtoj se do të punoj shumë për ta mundur Juventusin dhe gjithë ekipet e tjerë”, ka thënë Rrahmani, i cili ka zbuluar se sistemi i lojës me katër mbrojtës i përshtatet më shumë.
“Unë luaj më mirë me katër mbrojtës. Me tre kam luajtur vetëm një vit në Kroaci dhe sezonin e shkuar te Hellas Verona. Ndihem më mirë me katër. Është pozicioni im natyral. Pastaj varet gjithçka nga dëshira e trajnerit”, ka shtuar kapiteni i Kosovës.
