Kancelarja gjermane Angela Merkel po kryen mandatin e saj dhe po largohet nga skena politike, ndërkaq për këtë ka reaguar lideri i Aleancës për Ardhmërinë e Kosovës, Ramush Haradinaj.
Lideri i AAK-së përmes një postimi në Facebook shkruan se i është thellësisht mirënjohës kancelares Merkel.
“Një mike e madhe e Kosovës po mbaron mandatin e saj. Angela Merkel për gjashtëmbëdhjetë vjet kancelare e Gjermanisë, ishte pranë Kosovës, me përkushtim të lartë për ruajtjen e paqes, promovimin e demokracisë dhe forcimin e subjektivitetit ndërkombëtar të Kosovës.
Thellësisht mirënjohës Kancelare Merkel. Ishte nder të punoja me ju”, shkruan Haradinaj.
