Është bërë publike fotografia e Gentian Qarrit, i cili mbeti i vdekur mbrëmjen e kësaj të shtune, pas një atentati qu bë ndaj tij.
Qarri, 40 vjeç, u qëllua me breshëri kallashnikovi derisa po lëvizte në këmbë, pranë Kishës së qytetit në Vlorë.
Sipas të dhënave, policia është vënë në ndjekje të autorëve, por deri më tani, vetëm makina e shkrumbuar e përdorur nga autorët, është gjetur në zonën e Pyllit të Sodës.
Siç ka bërë me dije policia shqiptare, deri më tani, i vetmi informacion për të ndjerin është se ai ishte dënuar në Itali për narkotrafik.
Gentian Qarri mësohet se ishte dënuar me 15 vjet burgim nga autoritetet italiane.
40 vjeçari raportohet se kishte 2-3 vite që ishte kthyer në Shqipëri, ku ka krijuar edhe familje.
Së fundmi ai punonte si hidraulik në qytetin e Vlorës.
