Se Serbia nuk ka të ndalur përhapjen e propagandës, kjo vërehet edhe në pretendimin e radhës lidhur me grafitet e shënuara në fshatin Kishnicë të Komunës së Gracanicës.
Sipas banorëve, këto grafite janë bërë të “shpeshta”.
Mirëpo, në këtë grafit janë shënuar gabim inicialet e Ushtrisë Çlirimtare të Kosovës, në vend “UÇK” në UQK. Pasi që gjuha serbe nuk e ka germën “Ç”, atëherë autori i grafiteve nuk është njohës i gjuhës shqipe që ta shënonte siç duhet.
E njëjta gjë kishte ndodhur edhe në muajin mars të këtij viti, ku ishin shfaqur grafitet “UQK” në muret e shtëpive në një fshat me banorë serbë afër Lipjanit.
Përhapja e narrativave të modifikuara nga Serbia kundër UÇK-së nuk është asgjë e re.
Grafitet shtëpitë e serbëve janë vetëm një përsëritje e disinformatës serbe, që ndodhte edhe në të kaluarën, sa herë në Kosovë vinte për vizitë ndonjë diplomat i huaj.
