Prokuroria Themelore në Gjakovë për gjashtë muaj ka ngritur 71 aktakuza, kundër 71 personave, për veprën penale “Dhuna në familje”, shkruan Gazeta Sinjali.
Sipas njoftimit të prokurorisë këto aktakuza janë ngritur për periudhën kohore Janar-Qershor 2021.
“Prokuroria Themelore në Gjakovë, brenda periudhës kohore Janar-Qershor 2021, ka ngritur 71 (shtatëdhjetenjë) aktakuza, kundër 71 (shtatëdhjetenjë) personave, për veprën penale ‘Dhuna në familje‘”, thuhet në njoftim.
“Si dhe, është e angazhuar që të kryejë me seriozitet të lartë të gjitha rastet, përfshirë ato që kanë të bëjnë me dhunën në familje”, kanë shtuar prokuroria.
