Xh.B., 54-vjeçar dhe djali i tij 19-vjeçar A.M., po dyshohen për vrasjen e 15-vjeçarit në Drenas dhe plagosjen e babait të tij, Bekim Mujës, në fshatin Gradicë të Drenasit.
Ndaj dy të dyshuarve, Prokuroria Themelore në Prishtinë, ka paraqitur kërkesë për masë e paraburgimit.
Lajmin për Sinjalin e ka konfirmuar zëdhënsja e Prokurorisë, Laureta Ulaj.
“Prokurori i rastit ka paraqitur kërkesë për caktimin e masës së paraburgimit ndaj dy të dyshuarve, në drejtim të veprave penale “Vrasja e rëndë” dhe “Mbajtja në pronësi, kontroll ose posedim të paautorizuar te armeve”, ka thënë Ulaj për Sinjalin.
Babai i 15 vjeçarit që mbeti i vdekut, Bekim Muja për shkak të plagëve që ka marrë, është duke u trajtuar ende në Qendrën Klinike Universitare të Kosovës që nga mbrëmë.
Ndërsa të miturit do t’i jepet lamtumira e fundit sot në varrezat e fshatit Gradicë.
