Kordinatorja Nacionale për zgjedhje në Prokurorinë e Shtetit, Laura Pula, ka njoftuar sot se institucioni i Prokurorit të Shtetit, ka angazhuar një numër të madh të prokurorëve të cilët do të monitorojnë procesin e zgjedhjeve të 6 tetorit, shkruan Gazeta Express.
Ajo ka thënë se ata do të marrin të gjitha masat e nevojshme në bazë të kompetencave dhe Ligjit për rastet ku do të paraqiten probleme eventuale
Këto deklarata ajo i ka bërë në një takim të organizuar nga D4D, ku kanë marrë pjesë edhe zyrtarë nga KQZ-ja, PZAP-ja, Prokuroria e Shtetit dhe Këshilli Gjyqësor i Kosovës.
Të gjitha këto palë janë nënshkrues të memorandumit të bashkëpunimit për procesin zgjedhor.
Në komunikatën për media thuhet se qëllimi i këtij takimi ishte diskutimi lidhur me përgatitjet e institucioneve, bashkëpunimi dhe bashkërenditja e aktiviteteve për zgjedhjet e parakohshme parlamentare, vetëdijesimi për parandalimin e manipulimeve të mundshme, si dhe roli i shoqërisë civile në këtë proces zgjedhor.
Koordinatorja Nacionale për zgjedhje në Prokurorinë e Shtetit, Laura Pula, ka deklaruar se institucioni i Prokurorit të Shtetit, tashmë ka caktuar për secilën prokurori koordinatorët rajonal, dhe do të angazhoj një numër të konsiderueshëm të prokurorëve, ku do të monitorojnë gjithë procesin zgjedhor, si dhe ka potencuar se në rastet ku paraqiten problemet eventuale, do të ndërmerren të gjitha masat e nevojshme në bazë të kompetencave dhe Ligjit.
Ndërkaq, përfaqësues të institucioneve tjera, kanë prezantuar planet e tyre lidhur me angazhimet e tyre, si dhe kanë deklaruar se të gjithë janë duke u marr me aktivitete të ndryshme, në bazë të kompetencave që ka secili institucion përkatës.
Po ashtu, nga të pranishmit është theksuar se vetëdijesimi i qytetarëve për parandalimin e manipulimeve të mundshme të zgjedhjeve është mëse i rëndësishëm, pasi që në rastet ku mund të ketë pretendime për keqpërdorime të votave, Policia e Kosovës dhe Prokuroria e Shtetit do të veprojnë menjëherë.
Gjithashtu, të pranishmit u pajtuan që ti bëhet ftesë të gjitha organizatave jo qeveritare, shoqërisë civile dhe mediave që të bashkëpunojnë ngushtë me institucionet e lartcekura, para, gjatë dhe pas procesit zgjedhor.
Kjo tryezë është organizuar nga instituti “Demokracia për zhvillim” në te cilë ajo që ra në sy ishte tavolona e mbushur më polt gjëra ushqimore, Telegramisot.com
