Një ngjarje si në filma ka ndodhur sonte në orët e mbrëmjes midis kryeqytetit.
Dy persona të cilët kanë qenë duke lëvizur me skuter kanë gjuajtur me armë zjarri ndaj një personi tjetër i cili ka qenë duke dalë nga marketi.
E gjithë ngjarja ka ndodhur në rrugën “Dëshmoret e Kombit”, rreth orës 21:00 kur qarkullimi i qytetarëve është jashtëzakonisht i madh.
Këto detaje i ka dhënë për Gazetën Online “Reporteri.net” zëdhënësi i Policisë së Kosovës, Daut Hoxha.
“Me 24.08.2020 rreth orës 21:20 Policia ka pranuar një informatë se në Prishtinë në rrugën “Dëshmoret e Kombit” ka të shtëna me armë. Njësitë relevante të stacionit policor “Jugu” iu janë përgjigjur menjëherë informatës dhe kanë dalë në vendin e ngjarjes.
Njësitë policore në vendin e ngjarjes kanë hasur në personin mashkull, i cili ka deklaruar se deri sa ishte duke dalë nga një market, dy persona të panjohur të cilët kishin qenë në një skuter, kanë shtënë me armë zjarri në drejtim të tij. Sipas tij ai ka dëgjuar rreth 5 të shtëna, por nuk është qëlluar”, thotë Hoxha për Reporteri.net.
Policia thotë se janë ende në vendin e ngjarjes duke ndërmarrë veprime operacionale dhe hetimore për të sqaruar rrethanat e këtij rasti