Ushtria kolumbiane tashmë ka filluar të forcojë kontrollin mbi qytetin Kali pas disa javësh protesta anti-qeveritare ku mbetën të vdekur disa persona, shkruan BBC.
Raportohet se rrugët u zbrazën pasi Presidenti Ivan Duque urdhëroi ushtrinë që të intervenojë, ndërsa intervenimi i ushtrisë përfshiu edhe disa zona tjera të vendit.
Protestuesit në kryeqytet, Bogota, thanë se do të kthehen në rrugë këtë të diel për të bërë thirrje që të ndalet dhuna e policisë.
Së paku pesë persona kanë humbur jetën të premtën mbrëma në protestën në të cilën që kur ka nisur kanë humbur jetën dhjetëra njerëz.
Një nga të vrarët ditën e premtë ishte edhe një oficer nga zyra e Prokurorit të Përgjithshëm. Personi hapi zjarr ndaj protestueve para e të qëllohej, transmeton BBC.
Protestat kanë filluar në muajin prill pas propozimit për rritje të taksave, ndërsa pas dy javësh negociata, ato janë ndërprerë.
Propozimi pë rritjen e taksave është tërhequr, por protestat u rritën për të mbuluar dhunën policore, varfërinë dhe krizën shëndetësore në Kolumbi.
Qyteti Kali që është bërë epiqendra e protestave është nën shtet-rrethim deri të shtunën në mëngjes.
