Policia e Kosovës gjatë ditës së sotme ka arrestuar tre persona të cilët dyshohen se kanë rrëmbyer dhe e kanë sulmuar fizikisht një burrë në fshatin Negrovc të Drenasit.
Sipas njoftimit të policisë të arrestuar janë tre persona me iniciale: Ç.H, 21 vjeç, Sh.H, 26 vjeç dhe K.K, 19 vjeç.
Viktima gjatë ditës së djeshme ka raportuar në polici këtë rast ku sipas tij tre persona të dyshuar e kishin rrëmbyer me veturë dhe më pas e kanë dërguar në një pyll përderisa e kanë sulmuar dhe si pasojë e sulmit ka pësuar lëndime trupore.
Të dyshuarit janë dërguar në mbajtje përderisa janë ndërmarrë veprimet e nevojshme hetimore për zbardhjen e rastit.
