Policia e Kosovës në raportin 24 orësh ka dhënë detaje të tjera lidhur me vrasjen dhe plagosjen e mbrëmshme në Gjilan.
Fillimisht, atje kishte një mosmarrëveshje mes 6 meshkujve, ku më pas edhe janë përleshur me vete duke shtënë me armë zjarri, raporton Indeksonline.
Si pasojë një person ka vdekur kurse një tjetër është plagosur.
Në vendin e ngjarjes, është konfiskuar një pistoletë dhe 7 copë gëzhoja të kalibrave 7.65 dhe 9 mm.
“Gjilan, 08.11.2021-20:40. Pas një mosmarrëveshje, gjashtë (6) të dyshuar meshkuj kosovarë, janë përleshur në mes veti duke shtënë me armë zjarri në drejtim të njëri tjetrit. Si pasoj e plagëve të marra nga shkëmbimi i zjarrit, një mashkull kosovar ka ndërruar jetë, kurse një tjetër mashkull kosovar është plagosur. I plagosuri është dërguar në tretman mjekësorë në QKUK.
Në vendin e ngjarjes në cilësi të provave materiale janë gjetur dhe konfiskuar një pistoletë dhe 7 copë gëzhoja të kalibrave 7.65 dhe 9 mm. Me urdhër të prokurorit trupi i pa jetë është dërguar në IML për autopsi kurse tre të dyshuar meshkuj kosovarë janë dërguar në mbajtje”, thuhet në raport.
