Disa fotografi të banesës ku ka jetuar 20-vjeçari Kujtim F, nga Maqedonia e Veriut janë publikuar nga mediat austriake.
Banesa është bastisur nga policia pas sulmit që ndodhi mbrëmë në Vjenë.
Aksioni u zhvillua rreth orës 01:30 pas mesnatës.
Organet e rendit përdorën eksploziv për të shpërthyer derën e banesës.
Sipas gazetës “Heute” banorët ishin shqetësuar shumë pasi dëgjuan zhurmën.
Kevin S, fqinj i 20 vjeçarit deklaroi se kjo e kishte shtangur atë.
“Të gjithë e kemi dëgjuar zhurmën. Ka gjithnjë trazira, por diçka e tillë më ka shtangur.Nuk e dija se çfarë po ndodhte. U ngrita dhe vrapova drejt te dera dhe shikova jashtë. Unë pashë vetëm figura të zeza sepse nuk kisha syzet”.
Ndërkohë që hetimet me këtë rast janë ende duke u zhvilluar.
